పర్ఫ్యూమ్ అంటే మన అందరికీ ఎంతో ఇష్టం కదా! మంచి వాసన మనలో విశ్వాసం, ఆకర్షణ, ఆనందం పెంచుతుంది. కానీ మీరు ఎప్పుడైనా ఆలోచించారా (Perfumes & Fertility) — మనం రోజూ వాడే పర్ఫ్యూమ్ మన ఫర్టిలిటీపై ప్రభావం చూపుతుందేమో అని?

ఇది వింతగా అనిపించినా, శాస్త్రవేత్తలు చెబుతున్నారు… కొన్ని పర్ఫ్యూమ్‌లలో ఉండే రసాయనాలు (chemicals) మన హార్మోన్లపై (hormones) ప్రభావం చూపి, స్త్రీలు మరియు పురుషుల ఫర్టిలిటీని కొంచెం ప్రభావితం చేసే అవకాశం ఉందని.

ఈ ఆర్టికల్ లో, ఆ ప్రభావాలు ఎలా వస్తాయి? ఏ పదార్థాలు కారణమవుతాయి? ఎలాంటి జాగ్రత్తలు తీసుకోవాలి? అన్నది తెలుసుకుందాం!!

పర్ఫ్యూమ్‌లో ఏముంటుంది?

పర్ఫ్యూమ్ అంటే కేవలం మంచి వాసన కలిగిన ద్రవం కాదు.

దీంట్లో phthalates, synthetic musks, parabens లాంటి రసాయనాలు ఉంటాయి. వీటిని వాసన ఎక్కువసేపు వచ్చేందుకు ఉపయోగిస్తారు. ఈ పదార్థాలు ఎక్కువ మోతాదులో లేదా చాలా కాలం వాడితే, మన హార్మోన్ సమతుల్యతను (hormonal balance) ప్రభావితం చేయవచ్చు (Perfumes & Fertility).

పర్ఫ్యూమ్‌లో ప్రధానంగా ఉండే రసాయనాలు:

Phthalates – వాసన ఎక్కువసేపు ఉండేందుకు వాడతారు. ఇవి ఎక్కువగా ఉన్నప్పుడు పురుషుల స్పెర్మ్ కౌంట్ తగ్గవచ్చు, స్త్రీల గర్భాశయ పనితీరుపై ప్రభావం చూపవచ్చు.

Synthetic musks – ఇవి శరీరంలో నిల్వవుతాయి. ఇవి ఈస్ట్రోజెన్ హార్మోన్ పనితీరును అడ్డుకునే అవకాశం ఉంది.

Parabens – వాసన ఉత్పత్తుల్లో ప్రిజర్వేటివ్‌లుగా వాడతారు. ఇవి స్వల్పంగా హార్మోన్‌లను ప్రభావితం చేయవచ్చు.

ఇవి అన్నీ ఎండోక్రైన్ డిస్రప్టర్స్ (Endocrine Disruptors) అని పిలుస్తారు. అంటే మన శరీరంలోని హార్మోన్ వ్యవస్థలో జోక్యం చేసుకునే రసాయనాలు.

పురుషుల ఫర్టిలిటీపై ప్రభావం

పురుషుల ఫర్టిలిటీ అంటే — స్పెర్మ్ పరిమాణం, నాణ్యత, కదలిక అన్నీ సరిగా ఉండాలి. కానీ కొన్ని పరిశోధనలు చెబుతున్నాయి — పర్ఫ్యూమ్‌లలోని కొన్ని రసాయనాలు దీని మీద ప్రభావం చూపవచ్చని.

• స్పెర్మ్ కౌంట్ తగ్గడం: ఎక్కువ phthalate ఉన్న పర్ఫ్యూమ్‌లు వాడితే స్పెర్మ్ ఉత్పత్తి తగ్గవచ్చు.
• స్పెర్మ్ కదలిక తగ్గడం: Synthetic musks వల్ల స్పెర్మ్ కదలిక మందగించవచ్చు.
• టెస్టోస్టెరోన్ తగ్గడం: హార్మోన్లలో మార్పులు రావడం వల్ల పురుషుల ఫర్టిలిటీ ప్రభావితమవచ్చు.

రోజువారీ వాడకం వల్ల పెద్దగా ఇబ్బంది ఉండదు (Perfumes & Fertility). కానీ రోజూ సలూన్లు లేదా ఫ్రాగ్రెన్స్ ఫ్యాక్టరీల్లో ఎక్కువ వాసనల్లో పనిచేసేవారికి మాత్రం జాగ్రత్త అవసరం.

స్త్రీల ఫర్టిలిటీపై ప్రభావం

స్త్రీల ఫర్టిలిటీ అంటే అండం (egg) విడుదల, హార్మోన్ స్థాయిలు, గర్భాశయ ఆరోగ్యం సరిగా ఉండాలి. కానీ పర్ఫ్యూమ్‌లోని కొన్ని రసాయనాలు ఈ ప్రక్రియలపై ప్రభావం చూపవచ్చని కొన్ని అధ్యయనాలు చెబుతున్నాయి.

• హార్మోన్లలో మార్పు: ఈ రసాయనాలు ఈస్ట్రోజెన్ పనితీరును అడ్డుకోవచ్చు, దాంతో అండం విడుదలలో ఇబ్బందులు ఎదుర్కోవచ్చు.
• అండాశయ పనితీరు తగ్గడం: ఎక్కువ పరిమాణంలో రసాయనాలు వాడితే అండాల సంఖ్య లేదా నాణ్యత తగ్గవచ్చు.
• గర్భధారణలో ఇబ్బందులు: కొంతకాలం నిరంతరం వాడితే గర్భం దాల్చడంలో లేదా గర్భం నిలవడంలో ఇబ్బంది రావచ్చు.

కానీ ఆందోళన అవసరం లేదు — అప్పుడప్పుడు పర్ఫ్యూమ్ వాడటం వల్ల పెద్ద సమస్య ఉండదు (Perfumes & Fertility). గర్భం దాల్చాలనుకునే సమయంలో లేదా IVF చేయించుకునే సమయంలో మాత్రం synthetic వాసనలు తగ్గించడం మంచిది.

పెర్ఫ్యూమ్ లను సురక్షితంగా వాడే చిట్కాలు

పర్ఫ్యూమ్ వాడటం మానేయాలా (Perfumes & Fertility)? అస్సలు అవసరం లేదు! కొన్ని సులభమైన జాగ్రత్తలు పాటిస్తే మీరు మీ ఇష్టమైన వాసనను సురక్షితంగా ఆస్వాదించవచ్చు.

• Phthalate-free & Paraben-free పర్ఫ్యూమ్‌లు ఎంచుకోండి.
• తక్కువ పరిమాణంలో వాడండి. చర్మంపై కాకుండా బట్టలపై స్ప్రే చేయండి.
• గాలి వచ్చే ప్రదేశంలో వాడండి. మూసివేసిన గదుల్లో కాకుండా.
• ప్రాకృతిక వాసనలు వాడండి. ఎసెన్షియల్ ఆయిల్స్‌తో చేసిన వాసనలు సురక్షితంగా ఉంటాయి.
• జాగ్రత్తగా ఉండండి. మీరు సలూన్లు లేదా ఫ్రాగ్రెన్స్ ఫ్యాక్టరీలో పని చేస్తే మాస్క్ లేదా గ్లౌవ్స్ వాడండి.

సైన్స్ ఏమంటోంది?

కొన్ని ముఖ్యమైన అధ్యయనాలు ఈ విషయాన్ని నిర్ధారించాయి:

• 2015లోని ఒక అధ్యయనం ప్రకారం, ఎక్కువ phthalate ఉన్నవారిలో స్పెర్మ్ కౌంట్ తక్కువగా ఉన్నట్లు తేలింది.
• 2024లో Reproductive Toxicology జర్నల్‌లో వచ్చిన అధ్యయనంలో, EDC లు అధికంగా ఉన్న మహిళల్లో హార్మోన్లలో అసమతుల్యత మరియు అండాల సంఖ్య తగ్గిందని గుర్తించారు.
• IVF చికిత్సల్లో కూడా, పర్ఫ్యూమ్ రసాయనాల వాడకం తగ్గించడం వల్ల ఇంప్లాంటేషన్ అవకాశాలు మెరుగుపడ్డాయని శాస్త్రవేత్తలు సూచించారు.

ముఖ్యాంశాలు

• పర్ఫ్యూమ్‌లలో ఉండే phthalates, parabens, synthetic musks హార్మోన్‌లపై ప్రభావం చూపవచ్చు.
• పురుషులు, స్త్రీలు ఇద్దరికీ ఎక్కువ కాలం వాడితే ప్రభావం ఉండవచ్చు.
• అప్పుడప్పుడు వాడడం సురక్షితమే, కానీ గర్భం దాల్చాలనుకుంటున్నవారు జాగ్రత్తగా వాడాలి.
• Natural perfumes ఎంచుకోవడం, తక్కువ వాడకం పాటించడం ఉత్తమం (Perfumes & Fertility).

చివరి మాట

మనకు ఇష్టమైన పర్ఫ్యూమ్ మన వ్యక్తిత్వానికి భాగం. కానీ అందులో ఉండే కొన్ని రసాయనాలు హార్మోన్‌లను ప్రభావితం చేయవచ్చు. మితంగా వాడటం, నేచురల్ ఆప్షన్స్ ఎంచుకోవడం, గర్భం దాల్చే సమయంలో జాగ్రత్తగా ఉండటం — ఇవి పాటిస్తే మీరు మీ పర్ఫ్యూమ్ సువాసన ఆనందాన్ని మరియు ఆరోగ్యాన్ని రెండింటినీ కాపాడుకోవచ్చు.

📞: ఉచిత అప్పోయింట్మెంట్ ను బుక్ చేసుకోవడానికి 8880 747474కు కాల్ చేయండి!

తరచుగా అడిగే ప్రశ్నలు (FAQs)

1) అన్ని పర్ఫ్యూమ్‌లు ఫర్టిలిటీని ప్రభావితం చేస్తాయా?
అన్ని పర్ఫ్యూమ్‌లు ఫర్టిలిటీపై ప్రభావం చూపవు. కానీ phthalates, parabens, synthetic musks లాంటి రసాయనాలు ఉన్న పర్ఫ్యూమ్‌లు కొంత ప్రమాదం కలిగించవచ్చు. అయితే నేచురల్, phthalate-free పర్ఫ్యూమ్‌లు సాధారణంగా సురక్షితమైనవే.

2) ఎంత వరకు పర్ఫ్యూమ్ వాడితే ప్రమాదం ఉంటుంది?
రోజువారీగా కొద్దిగా వాడడం సాధారణంగా సురక్షితం. కానీ రోజంతా ఎక్కువ సమయం పర్ఫ్యూమ్‌లతో పనిచేసే ఉద్యోగాలు (సలూన్లు, ఫ్యాక్టరీలు వంటివి) ఉంటే, ఎక్కువ మోతాదులో వాసనలతో ఉండడం వల్ల ప్రమాదం పెరగవచ్చు.

3) నేచురల్ పర్ఫ్యూమ్‌లు పూర్తిగా సేఫ్ అనుకోవచ్చా?
నేచురల్ పర్ఫ్యూమ్‌లు సాధారణంగా సురక్షితమైనవే. కానీ కొన్ని ఎసెన్షియల్ ఆయిల్స్ వాసనలతో కొందరికి అలర్జీ రావచ్చు లేదా చాలా అరుదుగా హార్మోన్లపై స్వల్ప ప్రభావం చూపవచ్చు. అందుకే మితంగా వాడటం మంచిది.

4) పర్ఫ్యూమ్ IVF ఫలితాలను ప్రభావితం చేస్తుందా?
ప్రత్యక్షంగా కాదు కానీ పరోక్షంగా ప్రభావం చూపే అవకాశం ఉంది. పర్ఫ్యూమ్‌లలోని కొన్ని రసాయనాలు హార్మోన్‌ల సమతుల్యతను చెడగొడతాయి. దీని వల్ల అండాల ఉత్పత్తి, ఇంప్లాంటేషన్ లేదా స్పెర్మ్ నాణ్యత మీద స్వల్ప ప్రభావం పడవచ్చు.

5) గర్భం కోసం ప్రయత్నిస్తున్నప్పుడు పురుషులు పర్ఫ్యూమ్ వాడకూడదా?
పూర్తిగా మానేయాల్సిన అవసరం లేదు. కేవలం phthalate-free పర్ఫ్యూమ్‌లు ఎంచుకోవడం, ఎక్కువ మోతాదులో వాడకపోవడం సరిపోతుంది. ఇది సురక్షితమైన మార్గం.

6) ఈ రసాయనాలు శరీరం నుంచి బయటకు వెళ్లడానికి ఎంత సమయం పడుతుంది?
Phthalates వంటి రసాయనాలు సాధారణంగా కొన్ని గంటల నుంచి రెండు రోజుల్లో శరీరం నుంచి బయటకు వెళ్తాయి. కానీ synthetic musks మాత్రం శరీరంలో కొవ్వు కణాల్లో నిల్వవుతూ కొన్ని నెలలపాటు ఉండే అవకాశం ఉంది.

7) సాధారణ పర్ఫ్యూమ్‌లకు బదులు సేఫ్ ఆప్షన్లు ఉన్నాయా?
అవును. Phthalate-free, Paraben-free మరియు ఎసెన్షియల్ ఆయిల్‌లతో చేసిన నేచురల్ వాసనలు మంచి ఎంపికలు. మీరు ఇంట్లోనే సులభంగా DIY నేచురల్ బాడీ స్ప్రేలు తయారుచేసుకోవచ్చు — ఇవి ఆరోగ్యానికి కూడా సురక్షితంగా ఉంటాయి.